💎 ഇന്ത്യയിലാദ്യമായി കറസ്പോണ്ടൻസ് കോഴ്സ് ആരംഭിച്ച സർവകലാശാലയാണ് ഡൽഹി സർവകലാശാല.

സ്വന്തമായി റേഡിയോ നിലയം സ്ഥാപിച്ച ആദ്യ സർവകലാശാല സർദാർ പട്ടേൽ സർവകലാശാല.

💎 ഇന്ത്യയിലെ പഞ്ചായത്ത് രാജ് സംവിധാനത്തിന്റെ പിതാവ് എന്നറിയപ്പെടുന്നത് ബൽവന്ത് റായ് മേത്തയാണ്. എന്നാൽ, പഞ്ചായത്ത് രാജ് എന്ന പദപ്രയോഗം ആവിഷ്കരിച്ചത് ജവാഹർലാൽ നെഹുവാണ്

💎 1973-79 കാലഘട്ടത്തിൽ ഗോവയുടെ മുഖ്യമന്ത്രിയായിരുന്ന ശശികല കാക്കോദ്കർക്ക് ദക്ഷിണേന്ത്യയിൽ മുഖ്യമന്ത്രിയായ ആദ്യവനിത എന്ന വിശേഷണം സ്വന്തമാണ്. അന്ന് ഗോവ കേന്ദ്ര ഭരണ പ്രദേശമായിരുന്നു.

എന്നാൽ, ഒരു ദക്ഷിണേന്ത്യൻ സംസ്ഥാനത്ത് ആദ്യമായി മുഖ്യമന്ത്രിയായത് തമിഴ്നാട്ടിലെ ജാനകീ രാമചന്ദ്രനാണ് (1988)

💎 ആചാര്യ കൃപലാനിയുടെ ആത്മകഥയാണ് മൈ ടൈംസ്

ഇന്ദിരാഗാന്ധി രചിച്ചതാണ് മൈ ട്രൂത്ത്

💎 ഇന്ത്യൻ പ്രസിഡന്റ് സ്ഥാനത്തേക്ക് മൽസരിച്ച ആദ്യ മലയാളി വി.ആർ. കൃഷ്ണയ്യരാണ്

പ്രസിഡന്റായ ആദ്യ മലയാളി കെ. ആർ.നാരായണൻ.

💎 ഓസ്കാറിന് നാമനിർദ്ദേശം ലഭിച്ച (1958)ആദ്യ ഇന്ത്യൻ ചിത്രം മെഹ്ബൂബ് ഖാൻ നിർമാണവും സംവിധാനവും നിർവഹിച്ച മദർ ഇന്ത്യയാണ്.

രാജീവ് അഞ്ചൽ സംവിധാനം ചെയ്ത ഗുരുവാണ് ഓസ്കാർ നാമനിർദ്ദേശം ലഭിച്ച ആദ്യ മലയാള ചിത്രം (1997)

💎 ഇന്ത്യ ഒന്നാമത്തെ അണുവിസ്ഫോടനം (1974) നടത്തുമ്പോൾ ഇന്ദിരാഗാന്ധിയായിരുന്നു പ്രധാനമന്ത്രി.

എന്നാൽ, രണ്ടാമത്തേത് നടത്തുമ്പോൾ (1998) വാജ്പേയിയായിരുന്നു പ്രധാനമന്ത്രി

💎 ഛത്തിസ്ഗഢിന്റെ രൂപവത്കരണത്തിനുവേണ്ടി ആദ്യം ശബ്ദമുയർത്തിയ വ്യക്തിയാണ് ഡോ.ഖുബ് ചന്ദ് ബഗേൽ. എന്നാൽ, ഛത്തിസ്ഗഢ് എന്ന പേരുള്ള സംഘടന സ്ഥാപിച്ച ആദ്യ വ്യക്തി ശങ്കർ ഗുഹ നിയോഗിയാണ്

💎 ഇന്ത്യയുടെ ആദ്യത്തെ അന്റാർട്ടിക് എക്സ്പെഡിഷൻ ഗോവയിൽനിന്ന് എംവി പോളാർ സർക്കിൾ എന്ന വാഹനത്തിൽ പുറപ്പെട്ടത് 1981-ലാണ്. എന്നാൽ, അന്റാർട്ടിക്കയിൽ എത്തിയത് 1982-ലാണ്

💎 ഇന്ദിരാഗാന്ധി നാഷണൽ ഓപ്പൺ യൂണിവേഴ്സിറ്റിയുടെ ആദ്യത്തെ വൈസ് ചാൻസലർ ജി.രാം റെഡ്ഡിയാണ്.

💎 ജവാഹർലാൽ നെഹ്രു യൂണിവേഴ്സിറ്റിയുടെ ആദ്യ വൈസ് ചാൻസലർ ജി.പാർത്ഥസാരഥിയാണ്

💎 രാജീവ്ഗാന്ധിയുടെ ജന്മദിനം സദ്ഭാവനാദിനമായിട്ടും(ഓഗസ്റ്റ് 20) അദ്ദേഹത്തിന്റെ ചരമദിനം (മെയ് 21)
ഭീകര പ്രവർത്തന വിരുദ്ധ ദിനമായിട്ടും ആചരിക്കുന്നു

💎 എ.ഐ.ടി.യു.സിയുടെ ആദ്യ പ്രസിഡന്റായത് ലാലാ ലജ്പത് റായി (1920). എന്നാൽ, ഐ.എൻ.ടി.യു.സിയുടെ ആദ്യ പ്രസിഡന്റ് എസ്.സി.ബാനർജി (1947)

💎 ഒളിമ്പിക്സ് മെഡൽ ഇന്ത്യക്കായി ആദ്യമായി നേടിയത് നോർമൻ പിറ്റ്ച്ചാർഡ് ആണ് (1900) എന്നാൽ, ഒളിമ്പിക്സിൽ വ്യക്തിഗത സ്വർണം നേടിയ ആദ്യ ഇന്ത്യക്കാരൻ അഭിനവ് ബിന്ദ്രയാണ് (2008)

💎 ഇന്ത്യൻ പ്രധാനമന്ത്രിയായ ഏക അവിവാഹിതൻ എ.ബി.വാജ്പേയി. ഇന്ത്യൻ പ്രസിഡന്റായ ഏക അവിവാഹിതൻ എ.പി.ജെ. അബ്ദുൾ കലാം

💎 പ്രസിഡന്റിനെ സംഭാവന ചെയ്ത ആദ്യ ദക്ഷിണേന്ത്യൻ സംസ്ഥാനം തമിഴ്നാടാണ് (ഡോ.രാധാകൃഷ്ണൻ)

എന്നാൽ, പ്രസിഡന്റിനെയും പ്രധാനമന്ത്രിയെയും (നീലം സഞ്ജീവ റെഡ്ഡി, പി.വി. നരസിംഹറാവു)

സംഭാവന ചെയ്ത ആദ്യ ദക്ഷിണേന്ത്യൻ സംസ്ഥാനം ആന്ധാപ്രദേശാണ്

💎 ഇന്ത്യയുടെ ആദ്യത്തെ ആണവപരീക്ഷണത്തിന്റെ രഹസ്യനാമമാണ് ഓപ്പറേഷൻ മൈലിങ് ബുദ്ധ. ഇന്ത്യൻ വിദേശകാര്യ വകുപ്പ് ഇതിനെ പൊഖാൻ-1 എന്നാണ് വിശേഷിപ്പിച്ചത്. 1998 മെയ് 11, 13 തീയതികളിലാണ് പൊഖാൻ-2 പരീക്ഷണം ഇന്ത്യ നടത്തിയത്

💎 ഇന്ത്യൻ അണുബോംബിന്റെ പിതാവ് രാജാ രാമണ്ണ. എന്നാൽ, ഇന്ത്യൻ മിസൈൽ പദ്ധതിയുടെ പിതാവ് എ.പി.ജെ. അബ്ദുൾ കലാം.

💎 ഇന്ദിര ഗാന്ധിയെ വധിച്ചത് (1984 ഒക്. 31) അംഗരക്ഷകരായിരുന്ന സത്വന്ത് സിങ്ങും ബിയാന്ത് സിങ്ങുമാണ്.

ഇന്ദിര ഗാന്ധി വധക്കേസിൽ തൂക്കിലേറ്റപ്പെട്ടത് (തിഹാർ
ജയിൽ, 1989 ജനുവരി 6) സത്വന്ത് സിങ്ങും കെഹാർ
സിങ്ങുമാണ് (ബിയാന്ത് സിങ് ഇന്ദിര ഗാന്ധിയുടെ വധസമയത്തുതന്നെ ഐ.ടി.ബി.പി. കമാൻഡോകളുടെ വെടിയേറ്റ് മരിച്ചു).

💎 രാജീവ് ഗാന്ധി വധത്തിനു പിന്നിലെ സുരക്ഷാ പാളിച്ചയെക്കുറിച്ച് അന്വേഷിച്ചത് ജയിൻ കമ്മീഷനാണ്. രാജീവ് ഗാന്ധി വധത്തിനു പിന്നിലെ ഗൂഢാലോചനയെക്കുറിച്ച് അന്വേഷിച്ചത് വർമ കമ്മീഷനാണ്

💎 ഇന്ത്യൻ ബഹിരാകാശശാസ്ത്രത്തിന്റെ പിതാവ് വിക്രം സാരാഭായ്. എന്നാൽ, ഇന്ത്യൻ ആണവശാസ്
ത്തിന്റെ പിതാവ് ഹോമി ജഹാംഗീർ ഭാഭ.

💎 ഇന്ത്യയിൽ പദവിയിരിക്കെ അന്തരിച്ച ആദ്യ പ്രധാനമന്ത്രി ജവാഹർലാൽനെഹുവും പദവിയിരിക്കെ അന്തരിച്ച ആദ്യ പ്രസിഡന്റ് ഡോ.സക്കീർ ഹുസൈനുമാണ്.

💎 ഇന്ത്യയിൽനിന്ന് ആദ്യമായി ഓസ്കർ നേടിയത് ഭാനു അത്തയ്യ എന്ന വനിതയാണ്. 1982-ൽ ഗാന്ധി എന്ന ചിത്രത്തിലെ വസ്ത്രാലങ്കാരമാണ് അവരെ അവാർഡിനർഹയാക്കിയത്. ഓണററി ഓസ്കർ നേടിയ ഇന്ത്യക്കാരനാണ് സത്യജിത് റേ (1992). ചലച്ചിത്ര നിർമാണത്തിന് അർപ്പിച്ചസമഗ്രസംഭാവന പരിഗണിച്ചായിരുന്നു ഈ ബഹുമതി